Өглөө.мн Шинэ өглөө, Шинэ мэдээлэл
Нийслэл хот албан татвартай болоод нэг сар гаруйн хугацаа өнгөрчээ. Татвар суутгагчаар нийт 5374 иргэн, аж ахуйн нэгж бүртгэгдэж, энэ сараас хоёр төрлийн бараа, дөрвөн төрлийн үйлчилгээнээс авсан татварын бүрдүүлэлтээ хийж эхэлсэн байна.
Хуулиараа татвар суутгагч, сар бүрийн 10-ны дотор татварын орлогоо Нийслэлийн Татварын газарт төвлөрүүлэх үүрэгтэй. Тэгвэл татвар суутгагчид энэ үүргээ хангалттай биелүүлж байна уу, хотын татварын эхний бүрдүүлэлт хэдэд хүрэв гэдгийг онцлон сурвалжиллаа. Энэ сарын 12-ны байдлаар хотын нэг хувийн татварт нийт 110 гаруй сая төгрөг суутгагджээ.
