Суганы хэсгийн илүүдэл өөхнөөс ингэж салаарай

Гарын сул, “том” булчинг халах цаг ирлээ. Эдгээр дасгалуудыг дунджаар 30 – 60 секундын амралттайгаар 10 – 12 удаагийн давталттай 7 хоногт 2 удаа хийснээр маш хурдан булчинлаг, нарийхан гартай болно. Тэгээд л дулааны улирал ирэхэд футболк, майк, даашинзаа итгэлтэй нь аргагүй өмсөнө дөө.

Хөлс гаргахгүй бол ямар ч дасгал үр дүнгүй. Мөрөө жаахан шахаад зураг авахуулахад л дугуйрсан өөхлөг хэлбэртэй харагддаг гаранд баяртай гэж хэлэхийн тулд яг өнөөдрөөс эхэлцгээе.

Гантель өргөх

Нуруугаа цэхэлж, хөлдөө мөрний хэмжээтэй зай авч зогсоод гантелаа гартаа атгаад гараа биеийн дагуу унжуулж зогсоно. Амьсгаагаа гүнзгий аваад гантелаа мөрнийхээ хэмжээнд хүртэл тохойгоороо нугалж дээш өргө. Гараа зөөлөн буулгахдаа амьсгаагаа аажуухан гаргаарай. 10 минутын зайтай 10 удаагийн давтамжтай хийгээрэй. Энэ дасгал нь хамгийн түгээмэл ч гэсэн маш сайн нөлөө үзүүлдэг. Мөн энэ дасгалыг орлуулдаг төхөөрөмж фитнессийн заалуудад байдаг ч, гантель өргөж хийх нь хамаагүй үр дүнтэй байдаг.

Гурван толгойт булчингийн сунгалт
Хөлдөө мөрний хэмжээтэй зай аван цэх байрлалаас гантелаа хоёр гараараа бариад дээш өргөн зогсоно. Хоёр гараа нурууныхаа чигт дээш доош өргөж буулгана. Энэ нь гарын булчинг сунгаж уян хатан болгохоос гадна чийрэгжүүлэхэд тустай.

Таталт
Хөндлөн тогтоосон төмөрнөөс барьж суниах буюу бүх биеийн жинг гарын булчинд даатган дээш өргөнө.

Түлхэлт
Буюу гар дээрээ суниах. Хамгийн гол нь зөв хийх хэрэгтэй шүү. Энэ нь бүх биеийн ялангуяа гарны булчид маш сайн дасгал болдог.

Сандалтай дасгал
Түшлэгтэй сандалын түшлэггүй хэсэгт тулж зураг дээрх шиг суугаад энэ байрлалаасаа дээшээ доошоо сууж босно. Тохойгоо 90 градус нуглартал доош дараарай.

Тохой дээрээ суниах
Гар дээрээ суниах гэж байгаатай ижил боловч тохой дээрээ дарж хэвтэнэ. Энэ байрлалаасаа хөлөө хоёр тийшээ ээлжилж салгаад буцааж нийлүүлнэ. Тэгэх тоолонд биеийн бүх жин гарт төвлөрөх ёстой.