Хойд Солонгосын охидын анхны поп хамтлаг Хятадад тоглолтоо хийж байна /видео/

Хойд Солонгосын удирдагч Ким Чен Уны ивээл дор байдаг тус улсын охидын  “Моранбонг” хамтлаг Бээжинд тоглолт хийж байгаа ажээ. Хойд Солонгосын хамгийн царайлаг охидын хамтлаг гэгддэг “Моранбонг” Бээжинд бүтэн долоо хоногийн хугацаатай ирсэн бөгөөд энэхүү аялал нь уг поп хамтлагийн хувьд  хилийн чанад дахь анхны тоглолт юм.

Өмнөд Солонгост поп урсгал хүчтэй хөгжиж буй энэ үед Хойд Солонгосын удирдагч түүнээс дутахааргүй авьяаслаг охидын хамтлаг байгуулсан “Моранбонг” бөгөөд өмнөд хөршөөсөө ялгаатай нь “Моранбонг”-гийн охид хөгжмийн зэмсгүүдээр тоглодог. Түүнчлэн тайзан дээр л тоглолтын хувцас өмсөхөөс биш бусад үед цэргийн дүрэмт хувцас өмсдөг “Моранбонг”-ийг цэргийн хамтлаг гэж андуурч болохгүй.

Сонирхуулахад “Моранбонг” Бээжинд Хятадын Коммунист намынханд ая дуугаа өргөх бөгөөд хаалттай болох уг тоглолтод зөвхөн урилгаар оролцох юм байна.Тэдний тоглолтын бичлэгээс та бүхэндээ хүргэе.