Титэм далайн оддыг устгаж байна

bb4dd34ffa144c8cb071bf84582b58daАвстралийн “Их шүрэн далан” бол дэлхийн байгалийн өвд зүй ёсоор бүртгэгдсэн манай гарагийн хамгийн урт, хамгийн том шүрэн арлуудтай үзэсгэлэн төгөлдөр бүс нутаг юм. Гэвч Их шүрэн далангийн шүрэн модод устах аюул нүүрлээд байгаа билээ. Сүүлийн жилүүдэд шүрэн модыг сүйтгэгч халуун орны титэм далайн од их хэмжээгээр өсөж үржсэн нь энэ арлууд дахь шүрэн модны төрөл зүйл эрс цөөрөх үндсэн шалтгаан болж байна.

f9aedfc993a548479eacd9f63654706a

Тэнгисийн ёроолд амьдардаг далайн одны нэгэн төрөл зүйл болох “Титэм далайн од” хэмээх биеэрээ дүүрэн хорт өргөстэй энэ амьтан шүрэн модны гадаргуу дахь нялцгай биет амьтдыг идэж шүрэн модноос ердөө л араг яс үлдээдэг байна. Титэм далайн од маш их иддэг ховдог амьтан бөгөөд хоногт хоёр куб метр шүрэн модыг үгүй хийдэг гэнэ. Энэ нь хүний үйл ажиллагаанаас болсон сөрөг нөлөөнөөс хэдэн арав дахин илүү хор хөнөөлтэй юм.

49619e4452894c94a02d45eaf106cd70

Австралчууд “Их шүрэн далан”-гийн шүрэн модыг хамгаалахын тулд шумбагчдыг хөлсөлж титэм далайн одыг устгуулдаг. Гэвч титэм далайн оддын тоо толгой маш олон, шумбагчид хүрэлцэхүйн дээр титэм далайн од онцгой тэсвэртэй амьтан гэнэ. Түүнийг дөрөв таван хэсэг тасдаад хаяхад тус бүрнээ амьдрах чадвартай төдийгүй өсөж үржиж дөрөв таван амьтан болдог гэхээр итгэмээргүй санагдана.
Тэгвэл Австралийн эрдэмтэд далайн гүнд ажиллаж титэм далайн одыг устгах чадвартай робот зохион бүтээсэн нь илэрхий үр ашигтай ажиллаж байна. Энэ робот далайн экологийн орчинд бохирдол үүсгэхгүй, титэм далайн одыг маш сайн таньж тэдэн рүү хорт тариа харвадаг. Хордсон далайн од 24 цагийн дотор 100 хувийн найдвартай үхдэг байна. Энэ роботыг ашигласнаар далайчдын хүч хөдөлмөрийг маш ихээр хэмнэх болжээ.

7fd20ca41b144988800009938f79de74

Күинсландын Их Сургуулийн профессор Мат Дун Бабил “Далайчдын хүн хүч хүрэлцэхгүй, ажлын чадварыг хэд дахин нэмэгдүүлэх шаардлагатай учраас бид энэ роботыг бүтээсэн юм. Бидний зорилго бол титэм далайн оддын тоо толгойг цөөлж Их шүрэн далангийн үзэсгэлэнт сайхан дүр төрхийг сэргээх явдал юм. Бидний бүтээсэн робот бие даан ажиллах чадвартай. Далайн одыг өөрөө хайж олоод устгадаг. Бид роботоо алсаас удирддаггүй. Тэд шүрэн моддын дундуур чөлөөтэй эргүүл хийж харааны мэдрэмжээрээ далайн одыг илрүүлмэгц давс хүчил бүхий хорт тариагаар харваж устгадаг” хэмээн ярьж байлаа.

48d1c1ff847e4e2da798accd4dadc794

Далайчид энэхүү роботыг Их шүрэн далангийн титэм далайн од хамгийн ихээр үрждэг бүсэд байрлуулжээ. Робот хэд хоног ажилласны дараа далайчид тэнгисийн ёроол руу шумбаж үлдсэн далайн одыг устгаж цэвэрлэнэ. Энэ нь маш их үр дүнд хүрч байгаа гэнэ.
Их шүрэн даланд хэдэн зуун мянган фото зураг авч, бичлэг хийсний үр дүнд судалгааны багийнхан усны роботын харааны системийг улам сайжруулж, түүний бие даан ажиллах чадварыг нэмэгдүүлэхийн төлөө ажиллаж байна. Күинсландын Их Сургуулийн профессор Фрийс: “Энэ төрлийн робот титэм далайн одыг олж илрүүлэх чадвар 99 хувьтай. Роботын харааны систем аль нь титэм далайн од, аль нь өөр төрлийн далайн од, эсвэл өөр зүйлийн амьтан гэдгийг ялгах чадвартай” гэсэн юм.

a994fdb84283487690bf2049f20c3ec4

Энэ төрлийн усны робот нэг удаад далайн гүнд 8 цаг хүртэл ажиллах хүчин чадалтай. Найман цагт дунджаар 200 титэм далайн одыг устгадаг. Эхний ээлжинд роботыг далайн эрэг булангийн харьцангүй тогтмол усанд туршжээ. Дараагийн удаад далайн бүр гүнд, эсвэл ширүүн урсгалт усанд ажиллах чадвартай болгоно гэнэ. Ирэх жилээс роботоо олон тоогоор үйлдвэрлэн ашиглалтад оруулж, шүрэн арлын хамгаалагч болгохыг зорьж байна.

d82d9e55b5ec4b37b7707178dfd677c3 c54e72b5a2764a2bac835eb3bcfa29ca 1256739444d541c698c619c26c50c8ae 24186db1d47c4b53b8923185ffde47be 1d75076201864c65b5e63b3e61545e33 5455b6e5b0bc47b68826ee390cfbbe3d

эх сурвалж: http://mongol.cri.cn/

Санал болгох мэдээ

“Ялта хүрэх зам” Олон улсын хөгжмийн наадамд Б.Одмандах оролцоно

ОХУ-ын “Хүмүүнлэгийн ертөнц” сангаас жил бүр уламжлал болгон зохион байгуулагддаг “Ялта хүрэх зам” Олон улсын …