Өвлийн адаг сарын шинийн нэгэн тохиож байна

Аргын тооллын 1 сарын 10-ны ням гараг, билгийн тооллын өвлийн адаг шар үхэр сарын шинийн 1-ны адьяа гараг, 7 улаанмэнгэтэй, түлэх барилдлагатай, хий суудалтай,  элдэв тэнгэртэн  одтой, цагаагчин туулай өдөр. Өдрийн наран  ургах 08:39 цагт мандаж, 17:19 цагт жаргана.  Өдрийн сайн цаг: хулгана, бар, туулай, морь, хонь, тахиа болой.

Тухайн өдөр хол газар явагсад урд зүгт мөрөө гаргавал зохистой. Үс бүү засуул. Морь, нохой, бар, үхэр, хонь, луу жилтнээ аливаа үйлийг хийхэд эерэг сайн. Харин бич гахай хулгана жилтнээ сөрөг муу. Буяны эхийг бүтээх, замд гарах, гэр оронд өлзийтэй юм хийж бүтээх, их хүмүүн тушаал нэмэх, мал адгуус сургах, эм найруулах, эрдэм ном сургах, буяны үйл, бурханд залбирах, ихэс дээдэст бараалхах, үйл үүсгэвэл сайн. Байшин эхлэн барих, бэрийн үйл, цэрэг хөдөлгөх, нүүдэл хийх, үзмэр үзэх, хурим хийх, газар хөндөх, гэр барих, мал самнах, ханах, төөнөх, дээл эсгэх, үхэгсдийн үйл, бурхан шүтээн тахихад муу.