Өглөө.мн Шинэ өглөө, Шинэ мэдээлэл
Юүдэнтэн бүлгийн санаачилгаар “You media entertaiment”-ийн зохион байгуулж буй YONK PARTY хэмээх Хип Хоп болон Раггае хамтлаг дуучдын нэглсэн партины хүрээнд “Signature” авто клуб, “One event hall” клубын 30 гаруй залуу нэгдэн, , өнөөдөр өглөө Чингисийн талбайн цасыг цэвэрлэж буй ТҮК-ийн ажилчдыг “халуун чацаргана”-аар дайлсан байна. Залуусын энэхүү үйл ажиллагааг ТҮК-ийн ажилчид талархан хүлээн авчээ.
“You media entertaiment” ирэх гуравдугаар сарын 4-нд хип хоп хамтлаг дуучдын нэгдсэн “Yonk party” шоу тоглолтыг зохион байгуулах гэж байгаа. Тус тоглолтыг угтаж, мөн залуусыг эерэг хандлагатай байхыг уриалж, өнөөдрийн энэхүү сайн үйлсийн аяныг зохион байгуулж байгаа аж.
Тэдний зохион байгуулж буй сайн үйлсийн талаар ТҮК-ийн ажилтан Т.Батаа “Чингисийн талбай хэмжээ томтой учраас цас орохоор маш их цас унадаг. Ажлыг минь хөнгөвчилж, халуун чацарганаао дайлж байгаа залууст их баярлаж байна. Хамгийн гол нь бидний ажлыг үнэлж, туслах гэж зорьж ирж байгаад талархаж байна. Улаанбаатар хотын маань өнгө үзэмж цэвэрхэн цэмцгэр л байвал хүн бүрийн сэтгэл санаа тайван байна шүү” гэсэн юм.
2016 оны 3 дугаар сарын 4-ний өдөр 20.00 цагт “Mint” клубын “One event hall” танхимд “Yoonk party” Монголын 10 гаруй хип хоп хамтлаг дуучид болон ОХУ-ын DJ нар нэгдэж үзэгч залуустайгаа нэг үдшийг “бут авах”-аар төлөвлөж байгаа аж.
эх сурвалж: undesten.mn
