Шороон ба цасан шуурга дахин шуурч болзошгүй

Сүүлийн өдрүүдэд нийт нутгаар эрс дулаарч байна. Өнөөдрийн байдлаар говийн бүс нутгийн өмнөд хэсгээр 3 градус хүйтнээс 2 градус хүрч дулаарчээ.

Дулааралтай холбоотой өнгөрсөн өвөл цас их орсон аймгуудад шар усны үер болох магадлалтай гэдгийг ОБЕГ-аас анхааруулж буй. Харин Ус цаг уурын байгууллагаас гаргасан урьдчилсан мэдээгээр говийн бүс нутгаар хоёрдугаар арав хоногийн эхэн болон сүүлч, гуравдугаар арав хоногийн эхэн ба дунд үеэр зарим газраар 16-18 м/с, зарим үед 20-24 м/с хүртэл ширүүсч шороон ба цасан шуурга шуурах төлөвтэй байгаа юм.

Өнгөрсөн жилүүдийн давтамжаас харахад салхи 15 м/с-ээс хүчтэй болох тохиолдол жил бүр 3-5, зарим жилд 8-14 удаа тохиолдож байжээ. Сүүлийн жилүүдэд aжиглaгдсaн сaлхины  хaмгийн их хурд 1987, 1991, 2000, 2002 онд баруун зүгийн нутгийн өмнөд хэсэг, говийн нутгаар 28-34 м/с, 2002 онд Өвөрхангай, Өмнөговийн зарим нутгаар 40 м/с хүрч онц хүчтэй цасан ба шороон шуурга шуурч байсан аж.

Эх сурвалж: Монцамэ