Анхны олимпын аварга төрүүлж байсан манай ширэн бээлийтэнүүд өнөөдөр Риогийн наадамд оролцох эрхийн төлөө өмнөд хөршийг зорилоо.

Энэ сарын 25-нд БНХАУ-д Ази, далайн орнуудын боксчдод олимпийн эрх олгох сонгон шалгаруулах тэмцээн болно. Энэхүү тэмцээний алт, мөнгөн медальнууд олимпын эрх өвөртлөх юм. Уг тэмцээнд Монголын шигшээ баг ахлах дасгалжуулагч ОУХМ Д.Батсүрэнгийн удирдлага дор бүрэн бүрэлдэхүүнээрээ оролцох аж.