Өсвөр насны охидын жирэмслэлт сүүлийн 10 жилд өсчээ

NO APOLOGIES” зан чанарт суурилсан бэлгийн боловсрол олгох хөтөлбөр хэрэгжиж эхэлжээ. Тодруулбал, Монгол Улсад өсвөр насны хүүхдийн дунд эрт бэлгийн харьцаанд орох, хүсээгүй жирэмслэлт, үр хөндөлт, бэлгийн замын халдварт өвчинд өртөх, хамтран амьдрах гэх мэт олон асуудлууд байна.

НҮБ-аас гаргасан судалгаагаар Өсвөр үеийнхэн харьцангуй эрт бэлгийн хавьталд орж 17-18 насныхны 34.5 хувь нь бэлгийн хавьталд орсон байна. Мөн охидын жирэмслэлт ихэсч сүүлийн 20 жилд 20-34 насны эмэгтэйчүүдийн төрөлт буурсан байхад өсвөр насны охидын төрөлт сүүлийн 10 жилд өссөн байгаа юм. Өнгөрсөн оны байдлаар 15-19 насны эмэгтэйчүүдийн ес орчим хувь нь хүүхэд төрүүлж байна.

Өөрөөр хэлбэл 15-19 насны мянган охин тутмын 20 нь төрж байна. Өсвөр насны охид үр хөндүүлэх нь хэвийн үзэгдэл болсон тухай эмч, мэргэжилтнүүд ярьж байна. Өсвөр үеийнхний дунд бэлгийн замын халдвар ихсэх хандлагатай байгаа бөгөөд Үндэсний Статистикийн газрын мэдээнээс харахад жилд 7000-8000 хүн бэлгийн замаар халдварладаг өвчнөөр өвчилсөн ба тэдний 48-52 хувь нь 25 хүртэлх насны залуучууд байна. БЗХӨ-ий тархалт залуучуудын дунд нэмэгдэх хандлагатай байна.

Тэгвэл “Focus on the Family Mongolia” олон улсан байгууллагын Монгол дахь төлөөлөгч, “Сэтгэл зүй Хүний Хөгжлийн Шинэ Эхлэл төв” ТББ-аас энэ сарын 4-6-ны хооронд өсвөр үе залуучуудыг сургах “No Apologies” бэлгийн эрүүл мэндийн цогц боловсрол олгох хөтөлбөрийг өсвөр насны сурагчид болон багш нарт зориулан зохион байгуулж эхэлжээ.