Өглөө.мн Шинэ өглөө, Шинэ мэдээлэл
Германы Мюнхэн хотын “Аллианц Арена” цэнгэлдэх хүрээлэнд талбайн эзэн Бавари Мюнхэн болон Португал улсын Бенфика багуудын тоглолт боллоо. Тус тоглолтонд талбайн эзэн баг Бавари Мюнхэн баг ялалт байгуулжээ. Х.Алонсогийн оронд талбайн төвд гараанд гарч тоглосон Чили хагас хамгаалагч А.Видал багийн хамтрагч Ж.Бернатын дамжуулалтаар тоглолтын 2 дахь минутанд гоол оруулсан. Энэ нь тус тоглолтын цорын ганц гоол байсан бөгөөд үлдсэн 88 минутанд нэмж гоол ороогүй. Ямартаа ч тус тоглолтыг болох ёстой юм боллоо гэхэд хилсдэхгүй. Домогт тоглогч Эйсебиогийн үеийн Аваргуудын лигийн хошой аварга Бенфика баг энэ цаг үед Европт хүчирхэг байгаа Бавари Мюнхэн багт төдийлөн хүчтэй өрсөлдөгч болж чадахгүй. Хэдийгээр тооны харьцаа 1-0 гэсэн үр дүнгээр өндөрлөсөн ч тус тоглолтонд бүх талаараа илүү баг нь Бавари Мюнхэн байсан.
Урьд шөнийн тоглолт нь Испани мэргэжилтэн П.Гуардиолагийн Германы багийг удирдсан 150 дахь тоглолт байсан бол 114 удаагийн хожил болж байгаа ажээ.
Бавари Мюнхэн 1-0 Бенфика
эх сурвалж: ssport.mn
