Өглөө.мн Шинэ өглөө, Шинэ мэдээлэл
В.Дашням хэмээх нэгэн залуу Монголдоо анх удаа суудлын автомашин бүтээсэн байна.
Тэрээр, өнгөрсөн нэгдүгээр сараас эхлэн бүтэн долоон сарын турш уйгагүй хөдөлмөрлөсний дүнд энэхүү төмөр хүлгээ бүтээжээ. Машины загварын хувьд Баруунд Европ, Америкад 1920-1935 онд үйлдвэрлэсэн “ford-coupe”-ыг дууриалган хийсэн бөгөөд chaser-ын мотортой тул бинзен зарцуулалтын хувьд ч адилхан гэнэ.
Мөн автомашины аюулгүйн ажиллагааны хувьд хамгаалалтын бүсээ л зүүчихвэл бусад машинуудтай яг адил аж. Харин маүшинаа бүтээхэд нийт 10 сая төгрөг зарцуулжээ.
Одоогоор В.Дашням машиндаа улсын дугаар авч амжаагүй байгаа бөгөөд Монголд үйлдвэрлэсэн автомашинд ямар журмаар дугаар олгож, үзлэг оношилгоо хийдэг талаар мэдэж амжаагүй байгаа ажээ.
Тэрээр дараагийн удаад Пикап загварын жийп бүтээхээр төлөвлөсөн байгаа гэнэ.
Г.Сонор ugluu.mn
