М.Зоригтын “бэлгэнд авсан эмээл” асуудал үүсгэх вий дээ

Зам тээврийн сайд орон нутагт томилолтоор ажиллаж байгаа. Тэгвэл тэрээр өөрийн томилолтын тухай зураг бүртээ нэгэн эмээлийг давхар оруулах болов. Мөн түүнээгээ “адуундаа хүртлээ барьж явна” гэдгээ ч өөрөө бичсэн байна.

Харин энэхүү сэтгэгдлийг нь уншсан зарим жиргээчид “Эмээл бэлгэнд аваа юу. Хэрвээ цалингаас тань үнэтэй бол юу болохыг мэдэж байна уу” гэгчлэнгээр ам асууж эхэллээ. М.Зоригт сайд барьж яваа эмээлээ бэлгэнд ирсэн үгүйг одоогоор тайлбарлаагүй байгаа ч хэрвээ бэлэгнийх бол ч асуудал үүсэхийг мэдэж байгаа байлгүй дээ. Ер нь хуулийнхны үйл ажиллагаа идэвхжиж, шалгалт, нэгжлэг хийх дуртай болоод байгаа. М.Зоригт сайд маань хамаагүй задгайрч байж асуудалд орооцолдох вий дээ гэж эмээх хүмүүс ч твиттерт цөөнгүй байна.