Өглөө.мн Шинэ өглөө, Шинэ мэдээлэл
“Их Монгол улсын гудамжны зам”-ын өргөтгөл, шинэчлэлтийн ажлын хүрээнд дахин зам хаахаар болжээ. Ирэх долдугаар сарын 15,16-нд болох АСЕМ-ын дээд төвшний уулзалтын хүрээнд бүтээн байгуулалт, тохижилтын ажил ид өрнөж байгаагаас нийслэлийн зарим бүсүүдэд тодорхой хугацаагаар зам хаан засварлаж байгаа билээ. Тэгвэл энэ удаад “Home плаза” худалдааны төвөөс Үндэсний цэцэрлэгт хүрээлэнгийн уулзвар хүртэлх зам засвар, шинэчлэлтийн ажил хийгдэж байгаа тул өнөөдөр 23.00 цагаас энэ сарын 12-ныг хүртэл замын хөдөлгөөнийг хязгаарлахаар боллоо. Түүнчлэн Дүнжингарав худалдааны төвийн урд талын замын хөдөлгөөнийг энэ сарын 14-ний 23 цагаас 17-ны 23 цаг хүртэл түр хязгаарлах юм байна.
