“Талын салхи” мото наадам үргэлжилж байна

“Талын салхи” мото наадамын нээлтийн ёслол өчигдөр “Дүнжингарав” худалдааны төвийн авто зогсоолд болсон. Тэгвэл яг одоо тус наадмын үйл ажиллагааны нэг гол хэсэг болох  моточдын цуваа “Цонжин Болдог” цогцолбор руу  хөдөлж олны анхаарлыг татаж байна. Хар хувцастай ижил унаагаар гангарсан  уг арга хэмжээ нь хоёр өдрийн турш үргэлжлэх юм байна. Тус наадмын онцлог нь мотоциклийн спорт манай улсад ямар түвшинд явааг харуулах, мото спортыг сурталчлах, гадны клубуудтэй хамтран ажиллах зорилготой юм байна. Энэ жилийн наадамд гадны 50 гаруй тамирчин оролцож буй хэмээн наадамын зохион байгуулагчид хэлж байна.

Х.Баяр