Хятадаас тахианы мах, өндөг оруулж ирэхийг зөвшөөрчээ

 БНХАУ-д H7N9 вирусын шувууны ханиад гарсантай холбогдуулан манай улс өнгөрсөн дөрөвдүгээр сарын 12-оос эхлэн Хятад улсын гарал үүслийн гэрчилгээтэй тэжээвэр шувуу, тахианы мах, махан бүтээгдэхүүн, өндөг болон шувууны тэжээл оруулж ирэхийг хориглосон билээ.

Тэгвэл эл хоригийг энэ сарын 17-ны өдрөөр дуусгавар болгосон байна. Учир нь хориг тавьсан хугацаанд Замын-Үүд боомт дээр ямар нэг зөрчил илрээгүй гэнэ. Тиймээс одоо манай улсад урд хөршөөш оруулж ирсэн тэжээвэр шувууны мах махан бүтээгдэхүүн, өндөг зэрэг худалдаалагдах боломжтой болж байна.

Г.Сонор.ugluu.mn