Өглөө.мн Шинэ өглөө, Шинэ мэдээлэл
Дүрэм зөрчсөн жолооч нар торгуулийн хуудасаа гэрийн хаягаар ирэхийг хүлээлгүй torguuli.mn сайтад нэвтэрч өөрийнхөө дүрэм зөрчсөн эсэхийг шалгаж торгуулиа төлдөг болсон. Учир нь “Бэлэн бус торгуулийн систем нэвтрүүлэх түр журам”-д зөрчил гаргасан этгээд нь ногдуулсан торгуулийг 15 хоногийн дотор төлнө. Торгуулийг заасан хугацаанд нь төлөхгүй бол 20,000 төгрөгөөр торгуулж, нийт 5 удаа 20,000-р торгуулвал шүүхээс албадан гаргуулна гэж заасан байдаг. Гэтэл сүүлийн үед торгуулиа төлчихөөд байхад torguuli.mn сайтаас хасагдахгүй байна гэсэн гомдол иргэдээс ирэх болсон.
Энэ талаар Замын цагдаагийн газрын Мэдээлэл судалгааны ахлах мэргэжилтэн цагдаагийн хошууч Ц.Эрдэнэчимэгээс тодрууллаа.
–Торгууль төлөгдсөн байхад torguuli.mn сайтаас хасагдахгүй байна гэсэн гомдол иргэдээс их ирж байна. Энэ ямар учиртай юм бэ?
-Торгууль төлөлтийн талаар иргэд torguuli.mn сайтад байгаа мэдээллийг уншихгүй, анхаарал хандуулахгүй, зааврын дагуу төлөөгүйгээс торгууль төлөгдсөн төлөвт орохгүй байна. Иргэд торгууль төлөхдөө Торгууль.мн сайтад тавигдсан төлөх зааврын дагуу төлөлт хийх хэрэгтэй. Тухайлбал: Банкны баримтын гүйлгээний утга хэсэгт “ЗӨВХӨН БАР КОД” бичнэ. Иймд торгууль төлсөн мэдээллээ шалгаж зааврын дагуу төлсөн эсэхийг шалган зааврын дагуу төлөөгүй бол Замын цагдаагийн газрын 306 тоотод төлсөн баримтаа /хуулбар байж болно/ авчирч торгуулийг төлөгдсөн төлөвт оруулууна
–Шилжилт хөдөлгөөн хийхдээ торгуулиа төлсөн байхад торгууль нь хэвээр байгаад байвал яах вэ?
-Иргэд автомашин худалдаж авахдаа уг автомашин нь торгуультай эсэхийг лавлаж torguuli.mn сайтад хандаж шилжилт хөдөлгөөн хийх хэрэгтэй. Торгууль төлөх зааврын дагуу торгуулиа төлөөгүйгээс torguuli.mn сайтад төлөгдсөн төлөвт орохгүй байна. Иймд торгууль төлсөн мэдээллээ шалгаж зааврын дагуу төлсөн эсэхийг шалган зааврын дагуу төлөөгүй бол Замын цагдаагийн газрын 306 тоотод төлсөн баримтаа /хуулбар байж болно/ авчирч торгуулийг төлөгдсөн төлөвт оруулууна.
–Торгууль төлсөн баримтаа хаясан, үрэгдүүлсэн бол торгуулиа яаж хаалгах вэ?
-Торгууль төлсөн банкнаас төлбөрийн хуулга авч болно. Мөн торгууль төлсөн огноогоо мэдэж байгаа тохиолдолд Замын цагдаагийн газрын Санхүүд хандаж торгууль төлсөн мэдээлээ гаргуулан авч болно.
-Согтуугаар автомашин бариад эрхээ хасуулаад замын цагдаагийн тасагт шийдвэрлүүлсэн байхад torguuli.mn сайтад төлөгдөөгүй байгаад байна. Үүнийг яаж шийдвэрлэх вэ?
-Торгуулийг зааврын дагуу төлөөгүйтэй холбоотой асуудал. Торгуулиа төлсөн бол зөрчил шийдвэрлэсэн Замын цагдаагийн тасгийн бичиг хэргээс торгууль төлсөн баримтын хуулбарыг авч Замын Цагдаагийн газрын 306 тоотод авчирч торгууль төлөлтийн асуудлаа шийдвэрлүүлнэ. Мөн дээрхтэй адил торгууль төлсөн огноогоо мэдэж байвал санхүүгээс дансны хуулга гаргуулж болно.
-Огт хөдөлгөөнд оролцоогүй газарт торгууль бичигдсэн байна гэсэн гомдол гардаг. Энэ тохиолдолд яах вэ?
-Скайтелийн сүлжээтэй холбоотойгоор цагдаагийн шалгах багажны байршил буруу заах тохиолдол цөөнгүй гарч байна. Тухайн газраар хөдөлгөөнд оролцоогүй бол бичиг баримттайгаа Замын цагдаагийн газрын 306 тоотод ирж тухайн автомашиныг жолоодон явсан хүний мэдээллийг гаргуулан авч болно.
-Огт хөдөлгөөнд оролцоогүй өдөр торгууль бичигдсэн байвал яах вэ?
-Бичиг баримттайгаа ирж лавлагаа гаргуулан танилцаж болно. Тухайлбал: Зам тээврийн осол, зөрчилд холбогдоод осол гарсан өдрийн маргааш ч юм уу ослын холбогдох материалыг бүрэн цугларсны дараа эрх бүхий албан тушаалтан торгууль оногдуулсан бол тухайн өдрийн хөдөлгөөнд оролцсоноор харагдахгүй байж болно.
-Нэг зөрчилд олон торгууль бичигдсэн тохиолдолд яах вэ?
-Шалгах багажны алдаа, сүлжээнээс шалтгаалан олон давхардаж орсон зөрчлийг хүчингүй болгож болно. Зөрчил гаргагч нь өөрт өгсөн шийтгэвэрийн хуудсыг төлсөн баримтын хамт Замын цагдаагийн газрын 306 тоот өрөөнд авчирч давхардсан торгуулийг хүчингүй болгуулна.
Эх сурвалж:Zaluu.com
