Өглөө.мн Шинэ өглөө, Шинэ мэдээлэл
Габи Шулл есөн настайдаа анх ясны хорт хавдрын ховор төрөл болох остеосаркомагаар өвдсөнөө мэдсэн байна. Тэрбээр зургаан настайгаасаа балетаар хичээллэж эхэлсэн бөгөөд хагалгаа хийлгэж нэг хөлөө тайруулсан юм. Ингээд таван жилийн дараа буюу 14 настайдаа хиймэл хөлийнхөө ачаар дахин балетаар хичээллэх болжээ. Габи Шулл “Анх хиймэл хөлтэйгөө алхаж хөдлөхөд өвддөг байсан. Би балетад дуртай. Тиймээс дахин бүжиглэхийг хүссэн. Миний балет бусдад урам зориг өгч чадна гэж бодож байна.” хэмээн нэгэн сэтгүүлчид өгсөн ярилцлагадаа дурджээ. Мөн тэрбээр хорт хавдар тусч зовж буй хүүхдүүдэд туслахын тулд сошиалаар “The Truth 365” хэмээх компанит ажлыг эхлүүлсэн байна.
Эх сурвалж: gereg.mn
