“Харанга” хамтлаг Чингисийн талбайд тоглолтоо хийнэ

Өнгөрсөн жилээс эхлэн НЗДТГ-аас Чингисийн талбайд үндэсний их баяр наадамд зориулсан бүрэн хэмжээний амьд тоглолт бэлтгэн хүргэж байгаа. Энэ жилийн хувьд “Найрсаг Улаанбаатар” хөтөлбөрийн хүрээнд “Ub Dance” шоу, “Улаанбаатар вальс” үдэшлэг зэрэг урлаг соёлын арга хэмжээнүүд Чингисийн талбайд болсон. Харин үндэсний их баяр наадмын өдөр буюу долдугаар сарын 11-ний өдөр нийслэлийн төв талбайд “Харанга” хамтлагийнхан бүрэн хэмжээний тоглолтоо толилуулахаар болжээ. Баярын цэнгүүний ерөнхий найруулагчаар “Up music” продакшн ажиллаж байна.

Баяр наадмаа дуу хууртай баяр цэнгэлээр дүүрэн өнгөрүүлэх наадамчин олон та бүхнийг төв талбайд хүрэлцэн ирж “Харанга”-тай хамт наадаарай.