Цэцэрлэгүүд хүүхдүүдийн эрүүл мэндийн ерөнхий мэдээллийг өрхийн эмнэлгүүдээс авна

 Өнгөрсөн жил эцэг эх­чүүд хүүхдээ цэцэрлэгт бүртгүүлэх гэж хонон өнжин дугаарлах тохиолдол гарч бай­сан. Чоно борооноор гэг­чээр үүнийг далимдуулан авлига ч нэмэгдсэн. Ха­рин энэ жилийн хувьд цэцэрлэгийн бүртгэл хэрхэн явагдах талаар Нийслэлийн боловсролын газрын орлогч дарга Х.Батбаяраас тодрууллаа. 

 -Цэцэрлэгийн бүртгэл хэд хоног үргэлжлэх вэ?

-Цэцэрлэгийн бүртгэлийг энэ сарын 19-28-нд явуулах шийдвэрийг БШУЯ-наас гар­гасан.

-Өнгөрсөн хавар цэцэр­лэгүүдэд хамран сургах тойрог тогтоосон. Тэр жур­мын дагуу зөвхөн тухайн хорооныхоо хүүхдүүдийг л бүртгэх үү?

-Нийслэлийн боловс­ро­лын газ­рын даргын тушаа­­­лаар хамран сургах тойргийг тогтоосон. Энэ нь цэцэрлэггүй хороодыг ойролцоох цэцэрлэгт ха­рьяа­­­луулсан гэсэн үг. Тэгэхээр цэцэрлэггүй хороодод харьяалагдсан хүүхдүүд ч цэцэр­лэгтээ бүртгүүлээд орж болно. Гэхдээ бүх хүүхдүүдийг хамруулж ча­­­­­дах­гүй.

-Нийслэлийн хэмжээнд цэ­цэрлэгийн насны хүүхэд хэд байдаг вэ. Тэдний хэдэн хувь нь цэцэрлэгт хамрагдаж чадаж байна вэ?

-Нийслэлийн цэцэрлэгүүд нийт 32 мянга 230 хүүхэд сургах хүчин чадалтай. Гэтэл цэцэрлэгийн насны хүүхдүүд 99 мянгад хүрсэн. Тийм ч учраас 100 хүүхэд сурах ёстой цэцэрлэгт 170 хүүхэд шахан авч стандарт зөрчиж байна. Ийм арга хэмжээ авсаар байгаа хэдий ч өнгөрсөн жил дөнгөж 69 хувийг нь л цэцэрлэгт хамруулсан гэсэн судалгаа гарсан. Энэ жил 70 хувиас доош бууруулахгүй гэсэн зорилт тавиад ажиллаж байна. Тэгэхээр гурван хүүхэд тутмын хоёр нь ямар нэг хэлбэрээр цэцэрлэгт хамрагдана. Элсэлтийг шу­дарга явуулахын тулд цэцэрлэг бүрт тусгай комисс ажил­ладаг. Үүнд эцэг, эхийн төлөөлөл, хорооны ажилт­ны төлөөлөл зэрэг хүмүүс багтдаг. Энэ жилээс эхлээд шинээр элсэж буй хүүхдүүдээ заавал хамран сургах тойргоосоо авна.

-Хүүхдүүдийн эрүүл мэндийн шинжилгээний бичиг заавал авч ирэх шаардлагатай юу?

-Бүртгүүлэх хүүхдүүд шин­жилгээний бичиг авч очих шаардлагагүй. Цэцэр­лэгүүдэд өрхийн эмнэлгүүдэд байдаг хүүх­дийн эрүүл мэндийн ерөнхий мэдээллийг нь авах үүрэг чиглэл өгсөн.

 –Нийслэлийн хэмжээнд нийт хэдэн цэцэрлэг байгаа вэ?

-Төрийн өмчийн 180, төмөр замын есөн цэцэрлэг байдаг. Төрийн бус өмчийн 166 цэцэрлэг өнгөрсөн жил үйл ажиллагаа явуул­сан. Одоогоор дахин цэцэр­лэг байгуулах тусгай зөв­шөөрлийг 41 цэцэрлэг аваад байна. Тэгэхээр хувийн хэвшлийн цэцэрлэгийн тоо нэмэгдсэнээр нийслэлийн хэмжээнд нийт 400-гаад цэцэрлэг ажиллана гэсэн үг.

-Цэцэрлэгүүдийн засва­рын ажил одоогоор хэдэн хувьтай явагдаж байна вэ?

-Төсвийн хэмжээнд бүх цэцэр­лэгт засварын ажил хийгдэж дууссан. Мөн нийслэлийн хэмжээнд нийт 53 цэцэрлэгт улсын төсвөөр их засвар хийгдэж байна. Энэ ажил 50 гаруй хувьтай явж байгаа бөгөөд энэ сарын 25-н гэхэд дуусна.