Өглөө.мн Шинэ өглөө, Шинэ мэдээлэл
“Найрсаг Улаанбаатар” хөтөлбөрийн хүрээнд нийслэлийн Аялал жуулчлалын газраас “Дээлтэй Монгол” наадмыг ирэх сарын 10-нд Чингисийн талбайд зохион байгуулна. Тус наадмыг нүүдэлчдийн ахуй, уламжлалт соёлыг гадаад дотоодод сурталчлан таниулах, түгээн дэлгэрүүлэх зор илгоор жил бүр зохион байгуулж ирсэн. Энэ удаагийн наадмаар үндэсний хэв загвар бүхий шинэ загваруудыг нийтийн хүртээл болгох аж. “Дээлтэй Монгол” наадам энэ жилийн тухайд 10 дахь жилдээ болох бөгөөд жил ирэх тутам оролцогчдынх цар хүрээ тэлж, утга агуулгын хувьд өргөжиж байгаа талаар зохион байгуулагчид нь онцолж байгаа юм.
