УИХ-ын анхдугаар чуулган эхэллээ

 

УИХ-ын анхдугаар чуулганыг өнөөдөр буюу долдугаар сарын 5-ний 11.00 цагт хуралдуулах зарлигийг Монгол Улсын Ерөнхийлөгч Ц.Элбэгдорж өнгөрсөн долоо хоногт гаргасан .УИХ-ын 2016 оны сонгуульд Ардын нам 65 суудал, Ардчилсан нам 9, МАХН нэг, бие даагч С.Жавхлан нар ялалт байгуулсан.

Ерөнхийлөгчийн зарлигаар өнөөдөр анхдугаар чуулган нээлтээ хийлээ. Анхдугаар чуулганаар түр үнэмлэх авсан 76 гишүүн тангарагаа өргөх юм. Ингэснээр тэдний УИХ-д суух эрх нь баталгаажна. Мөн 2012-2016 онд ажилласан УИХ-ын бүрэн эрхийн хугацаа дуусах юм.

Яг одоо Сонгуулийн ерөнхий хорооны дарга Ч. Содномцэрэн УИХ-ын 76 гишүүдийн нэрсийг танилцуулж байна.

Г. Нараа