Өглөө.мн Шинэ өглөө, Шинэ мэдээлэл
Сүүлийн жилүүдэд Монгол Улс, БНТУ-ын Засгийн газар, Батлан хамгаалах яамд хооронд цэргийн зориулалттай бүтээгдэхүүн үйлдвэрлэгчтэй гэрээ, хэлэлцээр байгуулах, Туркийн цэргийн сургуулиудад цэргийн алба хаагчдыг сургаж бэлтгэх чиглэлд идэвхтэй хамтран ажиллаж байгаа бөгөөд байгуулагдсан гэрээ, хэлэлцээрүүд амжилттай хэрэгжиж байна.
Батлан хамгаалахын сайд Ц.Цолмон 2015 онд БНТУ-д айлчлахдаа Монгол Улс, БНТУ-ын Засгийн газар хоорондын цэргийн хамтын ажиллагааны хэлэлцээр, сургалт зохион байгуулах хэлэлцээрийг байгуулсан билээ.
Мөн 2015 онд хоёр улсын Батлан хамгаалах яамд хоорондын долдугаар зөвлөлдөх уулзалт амжилттай зохион байгуулагдсан, БНТУ-аас Монгол Улсад суугаа Элчин сайдын яаманд Батлан хамгаалах атташегийн алба нээгдсэн гээд хамтын ажиллагаа жилээс жилд улам бэхжин хөгжиж байгааг онцлон тэмдэглэмээр байна. Батлан хамгаалахын атташегийн алба шинээр байгуулагдсан нь Батлан хамгаалах гадаад хамтын ажиллагаанд чухал ач холбогдолтой онцлох үйл явдал болсон юм.
Монгол Улс, Бүгд Найрамдах Турк Улсын Зэвсэгт хүчний Тусгай хүчний бүлгүүдийн хамтарсан “Нүүдэлчин дайчид” хээрийн сургууль жил бүр амжилттай зохион байгуулагдаж байгааг онцлох ёстой.
2015-2016 онд Монгол Улсын Засгийн газар, БНТУ-ын Засгийн газар хооронд байгуулсан “Цэргийн салбарын Санхүүгийн хамтын ажиллагааны хэлэлцээр”-ийн дагуу 1.0 сая ам.доллар буюу 3,000,000 турк лирийн тусламжийн санхүүжилт батлагдсаны 819,500 ам.долларын буцалтгүй тусламжийг хүлээн аваад байна. Үүнд:
1. Үүргэвчийн нисгэгчгүй нисэх аппарат
2. Дизель цахилгаан үүсгүүр, генератор
3. Ус борооноос хамгаалагдсан зөөврийн ЛЕД дэлгэц, тайз дагалдах хэрэгсэлийн хамт
4. Цэргийн хүн нэг бүрийн хамгаалах хэрэгсэлийг зэрэг болно.
Буцалтгүй тусламж нь мөнгөн хэлбэрээр бус бараа бүтээгдэхүүнээр олгохоор заасан байдаг юм.
Батлан хамгаалах яам
