Өглөө.мн Шинэ өглөө, Шинэ мэдээлэл
“Найрсаг Улаанбаатар” хөтөлбөрийн хүрээнд Нийслэлийн Засаг даргын Тамгын газар, Нийслэлийн Соёл урлагийн газар, Улсын Дуурь бүжгийн эрдмийн театр хамтран Монголын анхны сонгодог бүтээл “Учиртай гурван толгой” дуурийг Их эзэн Чингис хааны нэрэмжит талбайд 2 дахь жилдээ толилуулж, үзэгч олноо баясгав.
Энэхүү тоглолтын гол дүр Юндэнд УДБЭТ-ын гоцлол дуучин МУСТА Э.Бумхүү, Нансалмаад УДБЭТ-ын гоцлол дуучин МУСТА Б.Энхнаран, Хоролмаад УДБЭТ-ын гоцлол дуучин МУГЖ Ө.Уянга, Балганд УДБЭТ-ын гоцлол дуучин С.Бат-Эрдэнэ нар тоглолоо. “Учиртай гурван толгой” дуурийн гол дүрийн сонгон шалгаруулалтад нийт 15 уран бүтээлч өрсөлдсөнөөс дээрх уран бүтээлчид шалгарсан юм гэж Нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
