Өглөө.мн Шинэ өглөө, Шинэ мэдээлэл
1.Давс
Гурван цагаан хорны нэг болох давсыг өдөрт 6 гр хэрэглэх нь эрүүл мэндэд тустай.
Сүүтэй цайндаа хүртэл давс хийж уудаг манай ард түмний дунд зүрхний шигдээс, ходоодны шарх, даралт ихсэх нь элбэг тохиолддог.
Тийм аль болох өдрийн хэрэглээндээ 6 гр хэрэглэх ёстой.
Харин дараах бүтээгдэхүүн давсыг орлож чадна. Үүнд:Лаврын навч, Сармисны нутаг, хар перецний нунтаг, сонгины нутаг
2. Сахар
Гурван цагаан хорны нэг болох сахрыг өдөрт 25 гр хэрэглэх нь эрүүл мэндэд тустай.
Элсэн чихэр их хэмжээгээр хэрэглэвэл чихрийн шижин, илүүдэл жин, шүд хорхойтой болон зүрх судасны өвчлөх нь элбэг.
3. Өөх
Сайн хэмээх өөх тосонд нь тосны ханаагүй хүчил их байна. Холестриныг цуснаас элэг рүү зөөж байдаг буянтай гэдэг нь аргагүй өндөр нягттай өөх бүхий уураг ихтэй өөх тосыг сайн хэмээнээ. Ихэнхдээ ургамлын гаралтай тосыг хэлнэ. Үүнд бас хонины сүүл, өвчүүний хэрсэнгийн тос багтана.
Харин холестриныг судас руу зөөвөрлөдөг нүгэл ихтэй бага нягттай өөх бүхий уураг их өөх тосыг муу хэмээнээ. Үүнд нь ихэвчлэн амьтны гаралтай өөх тос багтана.
Мэдээж сайн хэмээх өөх тосыг нь түлхүү хэрэглэх нь эрүүл мэндэд өлзийтэй сайн юм. Харин түлхүү гэдэг нь сайн тосыг
дангаар нь бус нөгөө муу хэмээх өөх тостой хамт хэрэглэхийг хэлж байгаа юм. Ихэнх эрдэмтэд хоёр нэгийн харьцаатай байвал хүний биед хуримтлагдахгүй, бас эрчим хүчний сайн эх үүсвэр болно гэж үздэгийг дурдах нь зөв байх.
Бид эрт дээр үеэс хүүхэддээ хонины сүүл хөхүүлдэг байсан. Энэ нь зүгээр нэг хоол тэжээл төдий зүйл биш гэдэг нь орчин үед тодорхой болж байна. Монгол хүн оюуны өндөр чадамжтай, хурдан сэтгэдэг нь сүүл хөхөж өссөнтэй холбоотой гэж сүүлийн үед эрдэмтэд үзэх болж байна
Хонины сүүл, өвчүүний хэрсэнгийн өөх нь ханаагүй хүчил ихтэй, царцах нь удаан, тэжээллэг чанар өндөр, кальци ихтэй байдаг нь судалгаагаар батлагдсан тул гаднын орнууд хүнсэндээ ашиглаж байна.
