Бөөрний чулуу үүсэхээс урьдчилан сэргийлэх арга

Зөвлөгөө №1

Бөөрний чулуу үүсэх хэдэн хэдэн хүчин зүйл бий. Шээсний замын дахилтат халдварууд, шингэн зүйл бага уух, шээсний замын бөглөрөлт, хэрэглэж буй хоол хүнсэнд хэтэрхий их кальци болон С  витамин агуулсан бүтээгдэхүүн хэрэглэх, кальцийн агууламжтай хүчил саармагжуулагч болон төрөл бүрийн эм хэрэглэх, бамбайн хордлого, бодисын солилцооны өвчлөлтүүдээс шалтгаалан бөөрний чулуу бий болдог байна.

Зөвлөгөө №2

Эрүүл бус хоололт, хоолны дэглэм, жингээ хасах олон төрлийн эм, бэлдмэл хэрэглэх үед бөөрний чулуу үүсэх гол шалтгаан болдог.

Зөвлөгөө №3

30-50 насныхан уг өвчнөөр өвчлөх магадлал хамгийн өндөр байдаг.

Зөвлөгөө №4

Бөөрний чулуужилтын үед илрэх үед:

Нэгт: Нурууны доод хэсэг эсвэл хэвлийн доогуур гэнэт хүчтэй өвдөх бөгөөд өвдөлт нь цавь руу дамжина. Энэ өвдөлт нь хэдэн минут эсвэл хэдэн цаг ч үргэлжлэх бөгөөд хэсэг хугацаанд намддаг.

Хоёрт:  Өвдөлтийн үед дотор эвгүйрэх, бөөлжих шинж тэмдгүүд дагалдан илэрч болно. Хэрвээ шээс ялгаруулах замын халдвартай бол халуурах, жихүүцэх, хөлрөх, шээхэд хөндүүрлэх зэрэг шинж тэмдгүүд илэрч болно.

Гуравт: Шээсэнд цус илэрч болзошгүй.

Дөрөвт: Шээс ялгаруулах замын халдвартай бол шээсний сүвээр хорсох, олон дахин шээх хүсэл төрөх болон шээс булингартай гарах эсвэл эвгүй үнэртэх зэрэг шинж тэмдгүүд илэрч болно.

http://www.shuud.mn/content/read/471610.htm