Өглөө.мн Шинэ өглөө, Шинэ мэдээлэл
Хүн болж төрсөн юм чинь хүн хүндээ хайртай болж хослон амьдрах нь ёс юм. Эр эм хоёр нийлж байж сайхан сэтгэлийг үүсгэх учраас буруу хазгай явбал нэгэн насанд хоосроно. Хүн бие биендээ хайртай дуртай болохдоо олон үйл харгалздаг. Эрэгтэй эмэгтэй хоёр хүн заавал урьдаар хураасан үйлээр учирдэг. Сайнтай ч учир ч болно, муутай ч учирч болно.
Өс хонзоноор өр төлөөсөөр, буянаар, үйл лайгаар учирч болно. Хэрвээ өс хонзонгоор учирчих юм бол суусан хойноо бие биендээ тамлан зовооно. Амьдрал нь аз жаргал бус там болон дуусдаг. Муу үйлээр учирах юм бол тэр хоёрын хүүхэд нь үйл барилдаж ирдэг учраас мөн үл зохилдсон хүүхэд тохиодог.
Хорвоогийн үйл барилдсан зүйлүүд маш нарийн сэтгэлийн шүтэн барилдлага байдаг. Бүгд нарийн уялдаатай, учир зүйтэй байдаг. Аливаа зүйл шалтгаангүй байна гэж ерөөсөө байхгүй. Хэрвээ бид эртний уламжлалыг танин мэдэж, цаад нарийн зохилдолгоог мэдэж байгаа бол бэрийн зурхай, ханийн зурхай зэргээр эр эм хоёр бие биенээ шинжих, удам судраа шинжих зэрэг нь энэ аюулаас хамгаалахын тухай уламжлал бий болсон. Мөн хүний төрсөн өдрийн төөрөг тавилан гэдэг бүгд учир шалтгаантай.
