Т ара хамтлагийн тоглолтыг Монголдоо үзнэ

Монголын залуу үеийнхнийг байлдан дагуулсан БНСУ-ын “Core Contest Media” энтертайнментад харьяалагддаг “Т-ара”, “Давичи”, “Сияа”, “Спийд” хамтлагийнхан ETV HD телевизийн урилгаар манай улсад ирэхээр болжээ.

Тэд ирэх сарын 21-нд Төв цэнгэлдэх хүрээлэнд тоглох бөгөөд тасалбарын үнэ 35, 50, 150 мянган төгрөг гэнэ. Анх 2009 онд байгуулагдсан “Т-ара”-гийнхан “Үнсгэлжин залуу” киноны “Сайн хүн” дууг  амилуулж олны танил болжээ. “Т-ара” хамтлаг анх “Super Rookies” нэртэй байсан гэнэ. Жи Ёон, Хёомин, Жи Вон, Жи Ай, Енжон нарын таван гишүүнтэйгээр байгуулагдаж, удалгүй Жи Ай, Жи Вон нар хамтлагаа орхисон байна. Ингээд Борам, Кюри, Суёон нарыг ам бүлдээ багтаажээ.

Эх сурвалж: tvmongolia.mn