Сингапур залуу Майкл Фелпсийг гүйцэж, олимпийн аварга боллоо

“Рио-2016” олимпийн усанд сэлэлтийн эрэгтэйчүүдийн 100 метрийн эрвээхэй сэлэлтийн төрөлд Сингапурын тамирчин Ш.Жосеп түрүүлж, жинхэнэ дуулиан тарьлаа.

Өнөө цагийн хамгийн шилдэг тамирчин, олимпийн 22 алтан медальт Майкл Фелпс тэргүүтэй шилдгүүдийг ардаа үлдээсэн нь түүнийг ийн онцлохоос өөр аргагүй.

Өдгөө 21 настай тэрээр хагас шигшээд 50.83 секундын амжилт гаргаж, тивийнхээ рекордыг шинэчилсэн. Улмаар шигшээ уралдаанд 50.39 секундаар олимпийн рекорд тогтоон, Риод аваргалав.

Энэ төрөлд өмнөх амжилтыг М.Фелпс 50.58 секундын амжилтаар эзэмшиж байсан юм.

Eagle.mn