Буутай залуус “Хаан” банкнаас 20 сая төгрөг дээрэмджээ

Уржигдар буюу энэ сарын 22-ны өдөр галт зэвсгээр зэвсэглэсэн этгээдүүд Дорноговь аймгийн Мандах суманд үйл ажиллагаа явуулдаг “Хаан” банкнаас 20 гаруй сая төгрөг дээрэмдсэн хэрэг гарчээ. Энэ хэргийг буу, хутгаар зэвсэглэсэн үл таних хоёр залуу үйлдсэн байна.

Тэд банкны теллерийг сүрдүүлж, 20 гаруй сая төгрөг болон гар утаснуудыг нь дээрэмдээд зугтсан байна. Гэрчүүдийн мэдээлснээр, сэжигтэн этгээдүүд 19-20 орчим насны, 170 орчим см өндөртэй байсан аж.

Хэргийг цагдаагийн алба хаагчид шалгаж байгаа бөгөөд эрэн сурвалжлах ажиллагааг яаралтай эхлүүлжээ.

Нинж