Өглөө.мн Шинэ өглөө, Шинэ мэдээлэл
“Рио-2016” олимпийн наадамд таеквондогийн төрөлд манай улсаас анх удаа П.Тэмүүжин оролцсон билээ. Өнөө жил дөнгөж 19 настай П.Тэмүүжингийн хувьд анх удаа олимпийн наадамд оролцохдоо шөвгийн наймд шалгарсан амжилтыг үзүүлсэн юм. Шөвгийн наймд шалгарч үлдэхийн төлөө дэлхийн чансааны гуравдугаарт бичигддэг Мексикийн тамирчныг ялагдаж яваад ялж, шуугиан тарьсан.
Тэгвэл анхны олимпдоо тун амжилттай оролцсон П.Тэмүүжинг Монголын таеквондогийн холбоо хүлээн авч хүндэтгэл үзүүлэн приус 30 маркийн авто машин бэлэглэжээ. Ингэхдээ 2020 оны Токиогийн олимпод амжилт үзүүлэхийг бэлгэдэн “2020 УБА” дугаарыг бэлэглэсэн байна.
