Их аварга Хакухо өөрөө барилдахгүй болсноо мэдээллээ

Мэргэжлийн сүмо бөхийн их аварга Хакүхо М.Даваажаргал намрын башёд барилдах боломжгүй болсныг урьд нь нийгмин сүлжээгээр шуугьж байсан. Харин Их аварга Хакухо өөрөө барилдахгүй өнжих болсон тухайгаа  өнөөдөр албан ёсоор зарласан байна.

Их аварга маань  өнгөрсөн долдугаар сарын тэмцээний үеэр баруун хөлийн эрхий хуруугаа гэмтээсэн юм. Тэгэвч  наймдугаар сард тойргийн барилдаанд оролцож байгаад зүүн өвдөгний бэртлээ улам ихээр сэдрээжээ. их аварга өөрийн гэмтлүүдээ засч эдгээгээд башёг өнжихгүй барилдахыг хичээсэн ч боломжгүй гэдгийг эмч нар сануулсан байна. Тиймээс зүүн өвдөгний бэртлээ эдгэтэл  барилдах боломжгүй болсон гэдгээ аварга ийнхүү мэдээллээ. Их аварга Хакүхо 2007 онд Ёкозүно цол хүртсэнээсээ хойш ийнхүү анх удаа тэмцээнийг бүрэн өнжихөөр болж байна. Мэргэжлийн сүмогийн Аки башё буюу намрын тэмцээн есдүгээр сарын 11-нд эхлэх юм.

Эх сурвалж: Монцамэ