Торонтогийн олон улсын наадамд монголын тухай сэдэвтэй хоёр кино өрсөлдөж байна

Монголчуудын амьдрал ахуйг харуулсан Cinelou Films-ын бүтээл “Burn Your Maps” уран сайхны кино Торонтогийн олон улсын кино наадамд өрсөлдөхөөр 2016 оны 9 дугээр сарын 15-ны өдөр нээлтээ хийв. Киноны нээлтэнд Монгол Улсаас Канад Улсад суугаа элчин сайдын яамны төлөөлөл болон Монголын талын продюсер З.Анхбаяр оролцов.

Түүнчлэн тус киног 9 дүгээр сарын 23, 10 дугаар сарын 1-ний өдрүүдэд Канадын “Calgary International Film Festival”-д толилуулахаар төлөвлөж байна. Киноны нээлтэнд кино зурганд оролцсон Алберта мужид амьдарч буй Монголчууд оролцохоос гадна үзэгчдэд зориулж монгол үндэсний хөгжмийн тоглолтоор бэлэг барих юм байна.

Тэгвэл Торонтогийн кино наадмын хүүхдийн киноны төрөлд Монголын бүргэдийн анчин охины тухай өгүүлэх “The Eagle Huntress” хэмээх Отто Беллийн найруулсан баримтат киног мөн толилуулав.

Дэлгэрэнгүй мэдээллийг дараах холбоосоор орж үзнэ үү.

http://www.cinelou.com/burn-your-maps.html

Дэлгэрэнгүй мэдээллийг дараах холбоосоор орж үзнэ үү.

http://sonyclassics.com/theeaglehuntress/