Хөхөгчин туулай өдөр

Аргын тоололын 8 сарын 17-ны бямба гараг,  билгийн тоололын  зуны адар, шарагчин хонин сарын  шинийн 11-ны санчир гараг, 1 цагаан  мэнгэтэй, огторгуй хөлөлтэй,  идэрийн барилдлагатай  хөхөгчин  туулай өдөр. Өдрийн наран  5:58  цагт мандаж, 20:02 цагт жаргана.

 Эл өдөр хонь жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно гэж дорнын зурхайд өгүүлжээ.