Өглөө.мн Шинэ өглөө, Шинэ мэдээлэл
Монгол Улсын Засгийн газрын 100 хоног арга хэмжээний хүрээнд МХЕГ-аас хоёр хэлэлцүүлгийг өнөөдөр зохион байгууллаа.
Үүний нэг нь МХЕГ, НМХГ, БОАЖЯ-ны харъяа Озоны үндэсний алба, Нийслэлийн агаарын бохирдлыг бууруулах газар хамтран агаар бохирдуулагч томоохон суурин эх үүсвэрийн ашиглалтаас байгаль орчинд үзүүлэх сөрөг нөлөөллийн байдалд хийсэн хяналт шалгалт, хаягдал утааны хийн хэмжилтийн үр дүнд дүгнэлт хийж цаашид авч хэрэгжүүлэх төлөвлөгөөний төслийн талаар хэлэлцүүлэг зохион байгуулав.
Мөн өнөөдөр “Экспорт, импортын ургамал, ургамлын гаралтай бүтээгдэхүүнд тавих ургамал хорио, цээрийн хяналт” сэдэвт сургалт, хэлэлцүүлэг зохион байгууллаа. Уг хэлэлцүүлэгт ХХААХҮЯ, МХЕГ, МҮХАҮТ, Нийслэлийн мэргэжлийн хяналтын газар, Хилийн мэргэжлийн хяналтын алба, хэлтэс, аж ахуйн нэгж байгууллагуудын төлөөлөл оролцов. Энэ үеэр улсын хилээр нэвтрэх ургамал, ургамлын гаралтай түүхий эд, бүтээгдэхүүнд тавих ургамал хорио цээрийн хяналт, өнөөгийн байдал, хууль тогтоомжийн хэрэгжилт, цаашид авах арга хэмжээний талаар санал солилцож, зөвлөмж өглөө.
