Өглөө.мн Шинэ өглөө, Шинэ мэдээлэл
Төрийн орон сууцны корпораци /ТОСК/-ийн ерөнхий захирал асан А.Гантулгыг хууль хяналтын байгууллагаас шалгаж эхэлжээ.
Түүнийг ТОСК-ийн ерөнхий захирлаар ажиллаж байхдаа танил талдаа давуу байдал олгож, их хэмжээний мөнгө үрэн таран хийсэн гэх мэдээлэл байгаа аж.
Түүнчлэн энэ талаар Нийслэлийн прокурорын газрын албаны эх сурвалж “Албан тушаалын байдлаа хэтрүүлж, хувийн компанитай гэрээ байгуулан нэг тэрбум төгрөгийн зээл олгож, ТОСК-д онц их хэмжээний хохирол учруулсан гэсэн үндэслэлээр тус корпорацийн ерөнхий захирлаар ажиллаж байсан А.Гантулгыг АТГ-ын Мөрдөн шалгах хэлтэст шалгаж эхэлсэн нь үнэн” хэмээсэн юм.
