“Медиа урлагийн хөгжил өнөө, ирээдүй” сэдэвт онол практикийн бага хурал боллоо /фото/

2016 оны 11 сар 10 / 13 цаг 11 минут Мэдээ мэдээлэл, Нийгэм, Онцолсон, Фото мэдээ

СУИС-ийн Радио, телевиз, медиа урлагийн сургууль 20 жилийн ойдоо зориулан “Медиа урлагийн хөгжил өнөө, ирээдүй” сэдэвт онол практикийн бага хурал зохион байгууллаа. Тус хуралд радио, телевизийн урлагийн салбарын ахмад зүтгэлтнүүд болон радио, телевизийн урлаг болон сэтгүүл зүйн чиглэлээр үйл ажиллагаа явуулдаг төрийн болон төрийн бус байгууллагуудын төлөөлөл оролцлоо.

Бага хурлын хүрээнд тус сургуулийн анхны захирал асан Б.Бадар-Ууган агсаны тухай сэтгүүлч Г.Золжаргалын бичсэн “Ууган түр гарсан, одоохон ороод ирнэ…” номыг танилцуулж, салбарын хүрээнд тулгамдсан асуудлын шийдлийг илэрхийлсэн илтгэлүүдийг хэлэлцэж, Радио, телевиз, медиа урлагийн сургуулийн шилдэг 20 оюутанд тэтгэлэг, шагнал гардуулах ёслолын арга хэмжээ боллоо.

Хэлэлцэгдсэн илтгэлүүд дотроос Радио, телевиз, медиа урлагийн сургуулийн захирал Д.Одсүрэнгийн “Телевиз, радио, медиа урлагийн салбарын мэргэжилтэн бэлтгэх дээд боловсролын тогтолцоо, олон улсын туршлага” сэдэвт илтгэлээр тус сургуулийн өнөөгийн байдал, сургалтыын онцлог, материал техникийн баазын давуу тал, сургалтын орчин, нөхцөл нь бусад сургуулиудтай харьцуулахад харьцангуй боломж өндөртэй байдгыг дурьдаад, тус сургууль гадаад харилцааны хувьд азийн болон европын улс орнуудийн адил төстэй сургуулиудтай хматын ажилллагаагаа өргөжүүлэн, оюутан багш солилцооны хөтөлбөрийг хэрэгжүүлж байгааг мэдээллээ.МҮОНРТ-ийн Ерөнхий захирал Ц.Оюундарь “Монголын анхны dolby стандартын дуу болон дүрсний дахин боловсрууллатын студи байгуулах төсөл, түүнд шаардлагатай хүний нөөц” сэдвээр хэлэлцүүлсэн илтгэл нь оролцогчдын сонирхолыг татж байлаа. Түүний илтгэлд кино урлагийг дэлхийн тавцанд хүргэхэд чухал нөлөөтэй, ач холбогдлын хувьд өндөр, кино хийсэн зардлынхаа бараг тэн хагастай тэнцэхүйц зүйл бол дэлхийд хүлээн зөвшөөрөгдсөн олон замаар /dolby/ дуу оруулах асуудал юм гэдгийг онцлоод Монгол улсад ийм хэмжээний мэргэжлийн өндөр түвшний техник тоног төхөөрөмжөөр өвч тоноглогдсон студи байгуулах, түүнд ажиллах мэргэжлийн боловсон хүчнийг бэлтгэх асуудлыг РТМУ-ийн сургууль дээр түшиглэн бий болгох боложтой гэдгийг дурьдлаа. СУИС-ийн захирал Э.Сонинтогос тус арга хэмжээг хааж хэлсэн үгэндээ: “СУИС-ийн РТМУ-ийн сургуулийн 20 жилийн ой гэдэг бол хүний настай харьцуулахад бага мэт боловч салбарын хувьд чамгүй урт хугацаа. Энэ ойн арга хэмжээний үеэр бид ахмадуудаа эргэн санах учиртай. Тэдний хичээл зүтгэлээр манай сургууль өдийг хүрч ирсэн гэдгийг бид мартах учиргүй гээд РТМУ-ийн үе үеийн төгсөгчид энэ салбарын өнгийг тодорхойлсон сайн уран бүтээлчид болдог, тэд урлагийн бүтээл, сэтгүүлзүйгээр дамжуулан нийгмийн өмнө тулгамдсан асуудлуудыг зоригтой хэлж чаддаг. Сэтгүүлчид улс төрчдийн халааснаас гараагүй цагт тэд нийгмийг эрүүлжүүлэх үүргээ биелүүлж чадахгүй, тиймээс энэ чиглэлд бид сургалтаа чиглүүлэн ажиллах ёстой” гэсэн юм.