Өнөөдөр болох үйл явдлууд
2013 оны 5 сар 22 / 8 цаг 49 минут
Мэдээ мэдээлэл
- Сургуулийн өмнөх насны хүүхдүүдийн дунд жил бүр уламжлал болгон зохион байгуулдаг “Замын хөдөлгөөний цагаан толгой-2013” тэмцээн “АСА” циркт 09.00 цагт эхэлнэ. Орон нутаг, Нийслэлийн дүүргүүдээс шалгарсан 19 цэцэрлэгийн багачууд өөр хоорондоо өрсөлдөж аваргаа тодруулах болно.
- Төрийн ордны Г танхимд 10:30 цагаас Монголын Ахмадын чөлөөт холбоотой Монголын ахмадын холбоо гэрээ байгуулж, хамтарсан мэдэгдэл гаргана.
- Боловсрол, шинжлэх ухааны сайд Л.Гантөмөр 12:00 цагт Гадаад харилцааны яаманд сэтгүүлчидтэй уулзаж, чөлөөтэй ярилцана.
- 09:00 цаг Гамшгаас хамгаалах Иж бүрэн сургууль Тусгаар тогтнолын талбай дээр эхэлнэ. Иж бүрэн сургуулилтын нээлтийн ажиллагаанд Нийслэлийн ИТХ-ын дарга, Нийслэлийн Засаг дарга, ОБЕГ-ын дарга, ЦЕГ-ын дарга болон бусад албаны хүмүүс оролцоно. Сургуулилт нь 22, 23-ны өдрүүдэд үргэлжлэнэ.
- Зочид буудлын салбарын туршлага судлах үзүүлэх сургалт Сүхбаатар дүүргийн “Corporate-1” зочид буудалд 10.00 цагт эхлэнэ. Дэлхийн эдийн засгийн форумоос энэ онд гаргасан судалгаагаар жуулчдад таагүй арван орны нэгд Монгол улсыг нэрлэсэн. Тиймээс зочид буудлын үйлчилгээ, ажилчдын харилцааг сайжруулах үүднээс энэхүү үзүүлэх сургалтыг дүүрэг тус бүрт зохион байгуулж байна.
- “Ажил олгогчдын нээлттэй өдөрлөг”-ийг 11 цагт ШУТИС-ийн номын сан болон гаднах задгай талбайд зохион байгуулах гэж байна. Тус өдөрлөгт Нийслэлд үйл ажиллагаа явуулж буй топ 50 байгууллага, Хөдөлмөрийн төв биржийн 40 мянган ажлын байр бүхий мэдээллийн е-бирж ажиллах юм. Өдөрлөгт их дээд сургууль төгсөж буй нийт төгсөгчид болон ажил хайж байгаа иргэд оролцоно. Энэхүү өдөрлөг нь 15 мянган хүнийг хамарсан өргөн хүрээний үйл ажиллагаа юм.
Өглөө.мн Шинэ өглөө, Шинэ мэдээлэл
