Өглөө.мн Шинэ өглөө, Шинэ мэдээлэл
Ихэнх нутгаар цас орж, цасан шуурга шуурахыг албаныхан сэрэмжлүүлж байна. Тодруулбал энэ арванхоёрдугаар сарын 19-нд баруун болон төвийн аймгуудын хойд хэсгээр, 20-нд баруун аймгуудын зүүн хэсэг, төв болон зүүн аймгуудын зарим газраар, 21-нд баруун аймгуудын баруун хэсэг, зүүн аймгуудын нутгийн зүүн хэсгээр цас орж, цасан шуурга шуурна.
Энэ үеэр салхи энэ сарын 18, 21-нд Алтайн салбар уулсаар, 19-нд нутгийн өмнөд хэсгээр 12-14 м/с хүрч ширүүсэх гэнэ.
Мөн Дархадын хотгороор шөнөдөө 26-31 градус, өдөртөө 18-23 градус, Увс нуурын хотгор, Идэр, Тэс голын хөндий, Хүрэн бэлчир орчмоор шөнөдөө 23-28 градус, өдөртөө 14-19 градус, Хангай, Хөвсгөл, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 18-23 градус, өдөртөө 8-13 градус, говийн бүс нутгийн өмнөд хэсгээр шөнөдөө 5-10 градус хүйтэн, өдөртөө 1-6 градус дулаан, бусад нутгаар шөнөдөө 14-19 градус, өдөртөө 2-7 градус хүйтэн байна. 20-нд нутгийн хойд хэсгээр, 21-нд ихэнх нутгаар хүйтэрэхийг Ус цаг уур, орчны шинжилгээний газраас мэдээлж байна.
