Хөдөлмөрийн хөлсний доод хэмжээ 240 мянган төгрөг боллоо

Засгийн газрын шийдвэрээр өнөөдрөөс эхэлж хөдөлмөрийн хөлсний доод хэмжээ 240 мянган төгрөг боллоо. Монголын үйлдвэрчний эвлэлийн холбооноос хөдөлмөрийн хөлсний доод хэмжээг нэмэгдүүлэхийг удаа дараа шаардаж ирсний үр дүнд ийнхүү 240000 төгрөг буюу 25 хувиар нэмэгдэж байна. Ингэснээр хуульд заасан торгуулиудын хэмжээ өсөх юм. Дашрамд дурдахад, Хөдөлмөрийн хөлсний доод хэмжээг 2013 онд 192000 төгрөг болгосноос хойш өөрчлөлт ороогүй байсан билээ.