Манжуур хотод саатуулагдсан иргэнийг шилжүүлэн авлаа

Монгол Улс, БНХАУ-ын Засгийн газар хооронд гэмт этгээд шилжүүлэн өгөх тухай гэрээ байгуулсан.

Гэрээний дагуу хүн амины хэрэгт сэжиглэгдэн БНХАУ-ын ӨМӨЗО-ны Манжуур хотод саатуулагдсан иргэн А-г Монголын цагдаагийн байгууллага Хятадын талаас шилжүүлэн авчээ.

Энэ нь гэрээ байгуулагдсанаас хойш хоёр улсын хооронд гэмт этгээд шилжүүлэн авсан анхны тохиолдол юм гэж Гадаад Харилцааны Яамны Консулын Газраас мэдээллээ.