Өнөөдөр болох үйл явдлууд
2013 оны 5 сар 23 / 9 цаг 30 минут
Мэдээ мэдээлэл
- 10.00 цагаас Чингэлтэй дүүргийн хойд талын автомашины зогсоол дээр нийслэлийн Архивын газар, ЧД-ийн онцгой байдлын газартай хамтран “Гамшгийн үзүүлэх сургуулилт” хийнэ.
- Монгол Ньюс мэдээллийн төвд 11.00 цагт Москвагийн циркийн сургуультай амьтад Монголд тоглолт хийх талаар “Шинэ цирк” төвийн уран бүтээлчид мэдээлэл хийнэ.
- МАХН-ын бүх ард түмний хуралдай болно.
- 11.00 цагаас нийслэлийн Засаг дарга бөгөөд Улаанбаатар хотын Захирагч Э.Бат-Үүл зам засвар, шинэчлэлтийн ажил гүйцэтгэж байгаа компаниудын төлөөллүүдтэй уулзана.
- “Ажил олгогчдын нээлттэй өдөрлөг” өнөөдөр 11:00 цагт ШУТИС-ийн номын сан болон гаднах задгай талбайд болно. Тус өдөрлөгт Нийслэлд үйл ажиллагаа явуулж буй топ 50 байгууллага, Хөдөлмөрийн төв биржийн 40 мянган ажлын байр бүхий мэдээллийн е-бирж ажиллана.
- Нийслэлийн Удирдлагын зөвлөлийн ээлжит хуралдаан өнөөдөр 14:00 цагт Хангарьд ордны 14 давхарт болно. Хуралдаанаар нийслэлийн төрийн үйлчилгээний журам, нийслэлийн цахим архивын төсөл, дотоодын үйлдвэрлэгчдийг дэмжих Засгийн газрын Тогтоолын хэрэгжилт зэрэг асуудлыг хэлэлцэнэ.
- Ерөнхий сайд Н.Алтанхуяг сэтгүүлчидтэй уулзана.