Өглөө.мн Шинэ өглөө, Шинэ мэдээлэл
Өнгөрөгч 15-ны өдөр Улаанбаатар хотоос хөөрсөн “Хүннү Эйр” компанийн “MR8861” нислэг Хятад Улсын Өвөр Монголын өөртөө засах орны Эрээн хотод газарджээ. Ингэснээр Монгол-Хятад Улсын хуурай газрын хамгийн том боомт болох Эрээн хот болон Монгол Улсын нийслэл Улаанбаатар хотын хооронд анх удаа шууд нислэг үйлдэгдэж эхэллээ. “Хүннү Эйр” компани Улаанбаатар-Эрээн-Улаанбаатар чиглэлд нислэг үйлдэж байгаа бөгөөд дээр дурдсан 15-ны өдрийн нислэг Эрээн хотод газардаад тэндээсээ Улаанбаатар чиглэлд аяллаа үргэлжлүүлсэн байна.
Дашрамд дурдахад, Улаанбаатар-Эрээн-Улаанбаатар чиглэлийн нислэгийг “Хүннү Эйр” компанийн “ATR72” онгоц үйлдэх аж. Мөн энэхүү нислэлгийг долоо хоногт 3 удаа үйлдэх аж. Ямартай ч, долоо хоног бүрийн даваа, баасан гарагт өглөө 8:30 цагаас Улаанбаатараас хөөрөх бол 10:10 цагт Эрээн хотоос хөөрөх юм байна. Харин лхагва гараг бүр оройн 20:00 цагаас Улаанбаатараас хөөрч, 22:20 цагаас Эрээн хотоос хөөрөх аж. Тэгвэл нэг удаагийн нисэлт 1 цаг 40 минут үргэлжлэх бөгөөд галт тэрэгтэй харьцуулбал 13 цаг хэмнэж байна.
