Өглөө.мн Шинэ өглөө, Шинэ мэдээлэл
Сүхбаатар дүүргийн нутаг дэвсгэр, Багшийн дээдийн автобусны буудлын зүүн талд байрлах ТҮЦ-ийг ачих явцад нэгэн иргэний толгой тасарч амиа алдсан хэрэг өчигдөр гарчээ. Эх сурвалжийн мэдээлж буйгаар “Зөөлөн” кафен урд байрлах ТҮЦ-ийг тус кафен эзэн нүүлгэж өгөхийг шаардаж байсан аж.
Ийнхүү хэрэг гардаг өдөр ТҮЦ-ийг “Nissan UD” маркийн машинаар ачиж явах үед Спортын төв ордны арктай замд 30 настай О гэгч хөндлөн баганад хавчуулагдаж, улмаар толгой нь тасарч амиа алдсан байна. Талийгаач тус кафен эзэн үү аль эсвэл ТҮЦ-ний эзэн үү гэдэг нь одоогоор тодорхойгүй байна.
Зарим эх сурвалжийн мэдээлснээр ТҮЦ-ийг хотын захиргаанаас ачаагүй бөгөөд кафен эзэн ачуулж байгаад ийн осолд өртсөн гэх мэдээлэл байна. Учир нь, тус кафен эзэн ТҮЦ-ийг зөвшөөрөлгүй газар ажиллуулсан хэмээн маргаан дэгдээгээд байсан аж.
Хэргийг Замын цагдаагийн албаны Мөрдөн шалгах хэлтэст шалгаж байгаа бөгөөд уг хэрэгт холбогдуулан “Nissan UD” маркийн автомашины жолоочийг саатуулаад байгаа аж.
