Өглөө.мн Шинэ өглөө, Шинэ мэдээлэл
Энэ сарын 12-13-нд шилжих шөнө Сүхбаатар дүүргийн нутаг дэвсгэр, “River sounds” цэнгээний газарт Цагдаагийн ерөнхий газрын Тусгай ажиллагааны газрын ажилтан М овогтой Б нь бусдыг зодож танхайран хүнд гэмтэл учруулсан талаарх мэдээлэл гарсан билээ. Тэгвэл энэ талаар ЦЕГ-ын хэвлэл мэдээллийн төвөөс тодруулахад “Шалгаж байгаа” гэсэн юм.
Түүнд зодуулсан иргэн ухаангүй ГССҮТ-д хүргэгдэн ирсэн бөгөөд сэхээн амьдруулах тасагт хэвтэн эмчлүүлж байгаа юм байна. Хохирогчийн тархинд цус харвасан, гавлын яс цуурсан, хамар цөмөрсөн, уруул сэтэрсэн байна. Энэхүү хэргийг Сүхбаатар дүүргийн цагдаагийн 1-р хэлтэс шалгаж байгаа юм байна.
