Өглөө.мн Шинэ өглөө, Шинэ мэдээлэл
Өнгөрөгч долоо хоногт “Аржанчивлан” чиглэлийн автобусанд сууж явсан иргэний цүнхнээс монгол мөнгөөр 21 сая төгрөгтэй тэнцэх хэмжээний валют /вон/ алдагджээ. Энэ хэргийг цагдаагийн байгууллагаас шалгаж, гэмт хэрэгтнүүдийг илрүүлэхэд, долоон этгээд нийлж үйлдсэн нь тогтоогдсон байна.
Хэрэгтнүүд БНСУ-ын воныг монгол мөнгөөр солиулж бүгд хуваан авсан бөгөөд нийт мөнгөний 30 хувийг үрээд байсан аж. Харин үлдсэн мөнгийг өөрсдийн амьдардаг орон сууцныхаа хаалганы хавтаст нуусан байсныг нь цагдаагийнхан илрүүлсэн байна.
Тэгвэл энэхүү хэргийг үйлдсэн долоон этгээдийн толгойлогч гэгдэх сэжигтэн Х нь БНХАУ-д хар тамхины хэргээр долоон жил хоригдоод эх орондоо ирээд байсан нэгэн аж.
