Хилийн боомтууд өнөөдрөөс хэвийн ажиллаж эхэллээ

Монгол-БНХАУ-ын хилийн боомтууд өнөөдрөөс цагийн хуваарийн дагуу хэвийн ажиллаж эхэллээ. Монгол Улсын Засгийн газраас хөрш орнуудтай албан ёсоор тохиролцсоны дагуу бүх нийтийн баярын өдрүүдэд автозамын хилийн боомтууд амардаг билээ. Үндэсний их баяр наадмыг тохиолдуулан Монгол-Орос, Монгол-Хятадын улсын хилийн боомтууд энэ сарын 11-15-ны хооронд амарсан юм.