Өглөө.мн Шинэ өглөө, Шинэ мэдээлэл
Чингэлтэй дүүргийн 19 дүгээр хорооны Гүнтийн задгайд оршин суух иргэн Г-ийн гэрээс эд зүйл, нэг бус галт зэвсэг хулгайлсан хэрэг гарчээ. Энэхүү хэрэг энэ сарын 11-нд гарсан байна. Хэргийн мөрөөр Чингэлтэй дүүргийн Цагдаагийн I хэлтсийн Эрүүгийн тасаг, ЦЕГ-ын Тусгай ажиллагааны газар, НЦГ-ын Хулгайн гэмт хэрэгтэй тэмцэх хэлтсийнхэн шуурхай эрэн сурвалжилж, сэжигтэн Ж, Б нар үйлдсэнийг нь тогтоосон байна. Энэ хоёр сэжигтэн өмнө нь гэмт хэрэгт холбогдож байжээ.
Өнгөрсөн сарын 1-нээс хэрэгжиж эхэлсэн Эрүүгийн хуульд зохицуулан 4000 гаруй хоригдлыг суллаж, заримынх нь ялыг хассан. Дээрх хоёр сэжигтэн тэдгээрийн тоонд багтан Онцгой дэглэмтэй хорих ангиас суллагдаад, дахин гэмт хэрэг үйлджээ.
