Өглөө.мн Шинэ өглөө, Шинэ мэдээлэл
Өнөөдөр чөлөөт бөхийн насанд хүрэгчдийн ДАШТ-ий эмэгтэйчүүдийн 55, 58, 63, 75 кг жингийн барилдаан болж байна. Эмэгтэйчүүдийн 60 кг-д П.Орхон зодоглож, эхний тойрогтоо Энэтхэгийн бөх Шилпи Шеоран Ядавтай учраа таарсан. Манай тамирчин барилдааны эхнээс л санаачлагыг гартаа авч, энэтхэг бүсгүйд боломж олгохгүй байсаар өрсөлдөгчөө 10:0-ээр буулгаж авлаа.
Харин эмэгтэйчүүдийн 55 кг-д өрсөлдсөн Э.Даваачимэг эхний өрсөлдөгч болох Украины Татьяна Киттийг 7:6 харьцаагаар яллаа. Э.Даваачимэг Азийн аварга шалгаруулах тэмцээний хүрэл, залуучуудын ДАШТ-ий алт, хүрэл медальтай бол түүний эхний өрсөлдөгч ДАШТ-ий хүрэл медальт, 23 хүртэлх насны Европын хошой аварга бөх юм. Манай бөх хоёрдугаар тойрогт Туркийн бөхтэй барилдана.
