Жүдогийн ДАШТ өнөөдөр эхэлнэ

Жүдо бөхийн ДАШТ  өнөөдөр Унгарын Будапешт хотноо эхэлнэ. ДАШТ-д манай улсаас нийт 19 жүдоч хүч үзнэ. Эрэгтэй долоон жинд манай улс есөн тамирчнаа буюу бүтэн баг оролцож байгаа. Харин эмэгтэй -78 кг-ын жингээс бусад жинд мөн есөн тамирчин оролцоно. Харин холимог багийн төрөлд ОУХМ Цэнд-Аюушийн Наранжаргал -70 кг-д хүч үзнэ.

Тус тэмцээнд зодоглох Монгол улсын шигшээ багийг ардын багш, гавьяат тамирчин Одвогийн Балжинням удирдах бөгөөд туслах дасгалжуулагчаар гавьяат тамирчин Дашгомбын Баттулга, Хишигбатын Эрдэнэт-Од, ОУХМ Гантөмөрийн Дашдаваа нар ажиллах юм байна. Харин шүүгчээр олон улсын шүүгч Төрбатын Энхцэцэг сонгогдсон.