ДАШТ2017: Д.Отгондалай медалийн болзол хангаж хагас шигшээд шалгарав

Германы Хамбург хотноо болж буй боксын ДАШТ-ий эрэгтэйчүүдийн 60кг-д тулалдсан Доржнямбуугийн Отгондалай хагас шигшээд шалгарч медалийн  болзол хангалаа.

Хагас шигшээд үлдэх тулаанд Венесуэлийн Кабрера Луйсыг 4-1 ялав. Хагас шигшээд Рио олимпийн наадмын мөнгөн медальт Францын боксчин Софъян Оумихатай есдүгээр сарын 1-нд шөнийн Монголын цагаар 00 цагаас тулалдана.

2016 олимпийн наадмын хагас шигшээд Д.Отгондалай Францын боксчинд ялагдаж хүрэл медальтай эх орондоо ирсэн. Тэгвэл жилийн дараа дэлхийн аваргын хагас шигшээд дахин учраа таарлаа.